Poet: Mark Alexander Boyd
Dates: 13 January 1562 – 10 April 1601
Title of Poem: Sonet of Venus and Cupid
Fra bank to bank, fra wood to wood I rin,
Ourhailit with my feeble fantasie;
Like til a leaf that fallis from a tree,
Or til a reed ourblawin with the win.
Twa gods guides me: the ane of tham is blin,
Yea and a bairn brocht up in vanitie;
The next a wife ingenrit of the sea,
And lichter nor a dauphin with her fin.
Unhappy is the man for evermair
That tills the sand and sawis in the air;
But twice unhappier is he, I lairn,
That feidis in his hairt a mad desire,
And follows on a woman throw the fire,
Led by a blind and teachit by a bairn.
Brief Biography: Boyd was a soldier of fortune and a poet. As a young man he left Scotland for France where he studied civil law and fought with the Catholics in the religious wars of the league. In his lifetime Boyd published two collections of Latin poems before returning to Scotland at the end of his life.